Ағымдағы жылдың 15-16 мамыр күндері облыстық дін істері басқармасының жобасы аясында Жаңа-Ру» жастар коалициясының қауымдастығы» заңды тұлғалар бірлестігінің ұйымдастыруымен дін саласындағы республикалық ақпараттық-түсіндіру тобының мүшесі, Қ.Ясауи атындағы Халықаралық қазақ-түрік университетінің оқытушысы Сержан Оразбай Сарысу және Талас аудандарында ақпараттық-түсіндіру жұмыстарын жүргізу үшін арнайы шақырылды. Ақпараттық-түсіндіру жұмыстары барысында лектордың қатысуымен мақсатты топ өкілдері: жастар мен жасөспірімдер, спортшылар мен жаттықтырушылар, ауыл тұрғындары, өзін-өзі жұмыспен қамтушылар мен жұмыссыздар арасында діннің өзекті тақырыптарында кездесулер өтті.
