Сұлушаш Сәтбекқызы, ҚР Білім және ғылым министрлігі «Talap» коммерциялық емес акционерлік қоғамының президенті болып тағайындалды , — деп хабарлайды «ZhambylNews” ақпараттық агенттігі.
Құрманбекова Сұлушаш Сәтбекқызы 1963 жылы туған, білімі жоғары.
1985 жылы С.М.Киров атындағы қазақ мемлекеттік университетін «тарихшы, тарих және қоғамтану пәндерінің мұғалімі» мамандығы бойынша бітірген. Еңбек жолын 1985 жылы Жамбыл қаласында №10 кәсіптік-техникалық училищесінде қоғамтану пәнінің мұғалімі болып бастаған.
1986-1996 жылдары Жамбыл қаласындағы Б.Момышұлы атындағы №45 орта мектебінде тарих және қоғамтану пәнінің мұғалімі, директордың оқу-тәрбие ісі жөніндегі орынбасары, 1996-2010 жылдары Жамбыл облысы әкімдігінің білім басқармасының жетекші маманы, бөлім басшысы, басқарма бастығының орынбасары, 2010 жылдан бастап Жамбыл облысы әкімдігінің білім, тілдерді дамыту басқармаларының басшысы, Жамбыл облысы әкімінің орынбасары қызметтерін атқарған.
