Қордай ауданы Қаракемер ауылы Молдасейіт атындағы спорт кешенінде және Масанчи ауылындағы №12 орта мектебінің ауласында аймақ басшысы Б.Сапарбаевтің қатысуымен Елбасының «Болашаққа бағдар: рухани жаңғыру» атты мақаласы аясында аула ойындарының ауылдық 1-ші іріктеу кезеңі өткізілді , – деп хабарлайды “ZhambylNews” ақпараттық агенттігі.
Аталған жарыс спорттың 5 түрі бойынша (асық ату, ләңгі тебу, орта доп, қалашық, секіртпеден секіру) ұйымдастырылған болатын. Сонымен қатар, Масанчи ауылына демеушілік тарапынан «Самұрық қазына» КҚ кіші футбол және балалар ойын алаңшасы салынып, кіші футболдан ардагерлер және жастар арасында жолдастық кездесу өтті.
Жалпы аталған іс-шараға 115 спортты жанына серік еткен ауыл тұрғындары қатысты.
Айта кетейік, ауылдық іріктеуден іркілмеген спортшылар аудан орталығында облыстық жолдаманы сарапқа салатын болады. Аула ойындарының аудандық іріктеу жарысы 27 маусым Қордай ауылы орталық стадионда және ақтық бәсекесі (финал) Тараз қаласында 3-ші шілде күні «Тараз-Арена» спорт сарайында өтетін болады.
Айта кететіні Елбасының «Болашаққа бағдар: рухани жаңғыру» атты мақаласы аясында аула ойындарының ауылдық 1-ші іріктеу кезеңі өз дәрежесінде жоғары өтті. Алдағы уақытта жалғасын табатын болады. Дайындық жұмыстары жүргізіліп, ерекше өтеді деп жоспарлануда.
