Талас ауданындағы 24 елді мекеннің 14-не, сонымен қатар Қаратау қаласына газ құбыры тартылған. Бұл жалпы елді мекен санының 62,5% құрайды , — деп хабарлайды «ZhambylNews” ақпараттық агенттігі.
Орталықтандырылған газбен қамтамасыз ету үлесі 2020 жылға 65,2 % құрауы керек.
Осыған орай, Талас ауданының Бөлтірік шешен, Көшек батыр, Үшарал, Қайыр, Арал елді мекендерінде орамішілік газ тарату желісін салу үшін облыстық бюджеттен 100 млн теңге бөлінді. Мердігер ретінде «Болат и Д» ЖШС-і белгіленіп, бүгінде қрылыс жұмыстары жүргізілуде. Жоба құны 513 млн. теңгені құрап отыр.
Ауданданға қарасты 9 ауылдағы 1563 үйдің 1554 -сі көгілдір отынға қосылған.
Сонымен қатар, Ақкөл, Қызыләуіт және Ақтөбе елді мекеніне газ құбырын жеткізу үшін ЖСҚ әзірленіп, мемлекеттік сараптамадан өткізілді. Жобаның құны 3 млрд. 221 млн. 700 мың теңгені құрайды. Бүгінгі таңда облыстық энергетика баскармасы арқылы мердігер анықталуда.
Сондай — ақ аудандағы 15 елді мекенге ауыз су тартылған.
