Жамбыл ауданы әкімінің 2020 жылдың 14 қазандағы №310 өкімімен Баққараев Олжас Елебекұлы аудан әкімінің орынбасары лауазымына тағайындалды, деп хабарлайды “ZhambylNews” ақпарат агенттігі.
Баққараев Олжас 1985 жылы Жамбыл қаласында дүниеге келген.
2007 жылы Санкт-Петербург мемлекеттік электротехникалық университетінің «Электроника және микроэлектроника», 2009 жылы Санкт-Петербург мемлекеттік электротехникалық университетінің «Техника және технология» магистрі, 2010 жылы Санкт-Петербург мемлекеттік политехникалық университетінің «Экономист» мамандықтары бойынша білім алған.
Еңбек жолын 2009 жылы «ARMTEL» ЖШС-нің атқарушы директоры болып бастаған.
2012-2013 жылдары «NULITS» (Н.Назарбаев университеті) ММ-нің даму қызметінің басшысы, 2013 жылы «Тараз Инвест Консалт» ЖШС-і инвесторларға қызмет көрсету орталығының сарапшысы қызметінде болды.
2013-2014 жылдары Жамбыл облысы әкімдігінің қаржы басқармасы облыс бюджетінің атқарылуына мониторинг жүргізу бөлімінің бас маманы және 2014-2015 жылдары Жамбыл облысы әкімі аппаратының әлеуметтік экономикалық мониторинг бөлімінің басшысы қызметін атқарды.
2015-2020 жылдары Жамбыл облысы әкімі аппаратының әлеуметтік-саяси мониторинг бөлімінің басшысы болды.
2020 жылдың ақпан айынан бүгінгі күнге дейін Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы басшысының орынбасары қызметтерін атқарды.
