Жамбыл облысындағы Полатқосшы ауылында 97 көкөніс қоймасы бар

0 2

Тараз қаласымен іргелес жатқан Жамбыл ауданына қарасты Полатқосшы ауылында 97 көкөніс қоймасы бар. Бүгінде онда бақша дақылдары мен жеміс-жидек сақталуда, — деп жазады «ZhambylNews» АА.

Жамбыл ауданында соңғы 15 жыл көлемінде 112 қойма салынған. Бұл қоймалардың басым бөлігі Қарой, Гродиково, Қаратөбе, Ақбұлым, Айшабибі ауылдық округтеріне орналасқан. Бір ғана Полатқосшы ауылдық округінде 97 қойма бар.
Мәселен, Жамбыл ауданындағы Қаратөбе ауылдық округінде орналасқан «Kaz Pruk Laim» ЖШС қоймасында 400 тонна алма, 200 тонна картоп, 200 тонна сəбіз жəне 170 тонна пияз қалыпты температурада сақталуда.

Серіктестік директоры Көшкенбай Құлманбетовтың айтуынша, сыйымдылығы 2 мың тоннаны құрайтын қойманың бүгінде 30 пайызы ғана көкөніс және жеміс-жидекпен толтырылған.

Қоймада 20 адам тұрақты жұмыспен қамтылған. Ондағы тоңазтқыштар мен құрал-жабдықтардың барлығы соңғы үлгідегі технологиялармен жабдықталған. Бұдан бөлек, көкөніске арналған бір тонналық ағаш жәшіктерді тасымалдайтын екі кіші жүк орнатқыш, бір өнімді сұрыптаушы, екі мұздатқыш көлігі жұмыс істейді.

Бүгінгі таңда қоймада Жамбыл, Байзақ, Т.Рысқұлов пен Жуалы ауданының көкіністері мен алмалары сақтауға қойылған. Бүгінгі таңда серіктестік қойманы көкөніспен және жеміс жидекпен қамтамасыз ету үшін жиырма гектар алқапқа алма және шие көшеттерін орналастырғалы жатыр.

Жалпы осыдан 15 жыл бұрын Жамбыл ауданында көкөніс және жеміс-жидек сақтайтын қойма саусақпен санарлық болатын. Көптеген шаруа қожалықтар өнімін қайда сақтарын білмей, үсітіп алып, бүлінген өнімін ауыл сыртындағы күл-қоқыс алаңдарына төгіп тастайтын. Әрине, маңдай тер, табан ақы еңбектің далаға кеткеніне өкінетіндер көп-ақ. Міне, бүгінде ол кезең келмеске кетіп, ауданда соңғы 15 жыл көлемінде 112 қойма салыныпты. Бұл қоймалардың басым бөлігі Қарой, Гродиково, Полатқосшы, Қаратөбе, Ақбұлым, Айшабибі ауылдық округтеріне орналасқан. Бір ғана Полатқосшы ауылдық округінде 97 қойма бар екен. Ал Қаройда – 2, Гродиковода – 7, Қаратөбеде – 2, Айшабибіде – 2, Ақбұлымда – 2 қойма жұмыс істеп тұр.

Бізді толғандырғаны аудандағы қоймалардың жай-күйі. Осы сұрақпен ауданның бас агрономы Амангелді Әбдібековке қайырылған едік.

– Аудан бойынша сыйымдылығы 33789 тоннаны құрайтын көкөніс және жеміс-жидек сақтайтын 112 қойма бар. Бүгінгі таңда 51 қоймада 22293 тонна өнім сақталуда. Таратып айтсам, 36 қоймада 19280 тонна пияз, 10 қоймада 2837 тонна сәбіз, 3 қоймада 126 тонна алма, 2 қоймада 50 тонна асханалық қызылша сақтауға қойылған. Олардың барлығы дерлік тоңазқыштармен қамтылған. Қазір ондағы отандық өнім «Алқаптан сөреге» жобасы аясында өңірдегі барлық дүкендер мен әлеуметтік дүкен сөрелеріне жеткізілуде. Қоймада сақталған өнімнің сапасы да жақсы, – деді ол.

Leave A Reply

Your email address will not be published.