Жуалыда үш сотық жылыжайдан күніне 60-70 килограмм қияр жиналуда

0
17

Ақтөбелік Ермекбай Шынтаев үш сотық жер теліміне жылыжай салып, оған 1000 түп қияр отырғызған. Бүгінгі таңда оо күніне 60-80 килограмм қияр жинауда. Оның бір килограмын 100 теңгеден аудандық орталық базарға өткізуде, — деп жазады “ZhambylNews” ақпарат агенттігі.

Ақтөбе ауылдық округінің тұрғыны Ермекбай Шынтаев үш сотық жерге жылыжай салу үшін бір миллион теңге жұмсапты.

— Отбасым үлкен. Жұбайым жұмыссыз. Бала күтімімен отырып жұмыс істей алмады. Қазір ұл-қыздарымның алды ержетіп, бойжетіп қалды. Оларды қатарынан қалдырмайын деп осы кәсіпті бастадым. Сөйтіп Шымкент қаласынан бұрын қолданыста болған жылыжайдың құрал-жабдығын сатып әкеліп аулама орнаттым. Сұрастырып жүріп қиярдың «Миннель» сортын әкеліп ектім. Шымкенттік агрономдармен байланыста жұмыс істедім. Қиярды ауладағы құдықтан су тартып, тамшылатып суарудамын. Оның 1000 түбін отырғызып, бүгінгі таңда күніне 60-80 килограмм қияр жинаудамыз. Қиярдың бір түбі алты килограмм береді. Килограмын 100 теңгеден аудандық орталық базарға өткізудеміз. Жалпы жылыжайдың пайдасы өте көп. Тек онымен дұрыс жұмыс істеп, ішіндегі керек заттарын қондырып алу керек екен, — дейді Ермекбай Шынтаев.

Енді ол күз және қыс айларында да қияр өсіру үшін желдеткіш орнатып, жұмысын жандандырмақ ниетте. Одан бөлек, алда несие алып жылыжай көлемін үлкейтуді жоспарлауда.

Жауап калдыру

Please enter your comment!
Please enter your name here