Айта кетейік, Кемінде бір баланы өз елінің лайықты азаматы етіп тәрбиелеу – әр ата-ананың алдындағы күрделі міндеті. Бірнеше баланы тәрбиелеу туралы айтпаса да түсінікті. Көп балалы аналардың еңбегін бағалау және ерекше атап өту үшін мемлекет оларды «Алтын алқа» және «Күміс алқа» алқаларымен марапаттайды.
Ал, «Алтын алқа» алқасымен жеті және одан да көп бала туған (асырап алған) және тәрбиелеген көп балалы аналар марапатталады. Мемлекеттік награда алудың басты шарты жетінші баланың бір жасқа жетуі және барлық балалардың тірі болуы. Әскери немесе азаматтық борышын өтеу кезінде қаза тапқан не болмаса хабарсыз кеткен балалар ескерiледi.
Сондай ақ, «Күміс алқа» алқасымен алты бала туған (тәрбиелеп өсiрген) аналар алтыншы баласы бiр жасқа жеткен және басқа балалары тiрi болған ретте наградталады. Әскери немесе азаматтық борышын өтеу кезінде қаза тапқан не болмаса хабарсыз кеткен балалар ескерiледi.
