Жуалы ауданында көктемгі көріктендіру, көгеріштендіру және санитарлық тазалық жұмыстары қызу жүргізілуде, — деп хабарлайды «Zhambylnews» AA.
Аудан орталығындағы Бауыржан Момышұлы ескерткішінің төңірегіне, орталық саябақтарға, аллеяларға тал-дарақтар мен көпжылдық гүлдер отырғызылуда.
Сонымен қатар, «Батыс Еуропа – Батыс Қытай» халықаралық көлік дәлізінің бойында орналасқан «Мәңгілік Ел» саябағына 260 дана аққайың көшеті отырғызылған.
Бұдан бөлек, аудан көлемінде 4 мың түп раушан гүлі көшетін отырғызу жоспарланып отыр.