Тараз төрінде «Астана құрдастары» атты форум өтті, — деп хабарлайды «Zhambylnews» AA Jambyl телеарнасына сілтеме жасап.
Елорданың 20 жылдығы қарсаңында, Тараз қаласының гүлденуі мен өсуі жолында үлес қосып келе жатқан Астана құрдастары марапатталып, бас қаламыздың тарихынан сыр шертілді. Астана замандастары ел өркендеуіне ниетті екендіктерін жеткізді.
Дидар АбБАСОВ, Астана құрдасы:
— Бүгінгі іс-шара ұйымдастырылып жатқаннан кейін, осы елбасымыздың өзі айтып өткендей «Болашақ жастардың қолында». Дәл бүгін соған байланысты форум өтіп жатыр. Сондықтан да осыған шақырып, ұйымдастырып жатқан кісілерге рақметімізді айтамыз. Және Астана қаласының құрдасы болғанымызға қуаныштымыз.
Бүгінгі форумға қатысушылардың дені белсенді жастар. Олардың барлығы да білім, өнер, спорт және басқа да салалар бойынша үздік шығып жүргендер. Елдің кемел ертеңі де, өсер өркені де осы жас буын.
Жансая БАБЫҚПАЙ, Ұйымдастырушы:
— Астана мемлекетіміздің рухани орталығы ғана емес, орта азия мемлекеттерін де өзіне қаратып отырған қала. Ол берекенің, бірліктің, байлықтың, татулықтың қаласы.Осыған орай біз ішкі саясат бөлімі Астана құрдастарына арнап форумды өткізіп отырмыз.
