Қазақстанның Ұлттық экономика министрі Тимур Сүлейменов теңгенің құлдырауына қатысты мәлімдеме жасады. Оның айтуынша, ұлттық валюта бұлай құлдырамауы керек болған,- деп хабарлайды «ZhambylNews» Ақпараттық Агенттігі NUR.KZ сайтына сілтеме жасап.
“-Теңгенің әлсіреуі анық байқалады. Біздің Ұлттық банктің макроэкономикалық моделіне сәйкес, баға мұндай болмауы керектігін, расымен көріп отырмыз”, — дейді министр.
Тимур Сүлейменов валюта нарығында ажиотаж болып жатқанын алға тартты.
«-Бұл жерде мәселе психологиялық тұрғыда болып отыр, саяси санкциялар мен оның нарыққа әсері болуы мүмкін екендігінде. Фундаменталды тұрғыда теңге біздің модель бойынша мұнша тұрмауы керек еді», — дейді ол.
Министр теңге бағамына соңғы жайттар әсер етіп жатқанын жоққа шығармады.
«-Біздің ойымызша, құлдырау деңгейі жыл соңына дейін біз қалаған дәлізден сәл жоғары болмақ. Яғни, сегіз айдың қорытындысы бойынша бізде бес-жеті пайыз — дәл алты пайыз», — дейді Сүлейменов.
Министр еліміз валюталық дәліздің ортасына жеткенін алға тартып, билік бұл жылды шамамен алты пайыздық құлдыраумен ғана аяқтаудан үмітті болғанын сөз етті.
«Алайда теңге әлсіреп жатқандықтан, 6,7-6,8 пайыз болып қалуы мүмкін, десе де дәлізге 5,6 пайыздық көрсеткішпен шыға қоймаймыз», — дейді министр.