WhatsApp мессенджерінде болашақта қолданушылардың бет әлпеті және саусақ іздері арқылы аутентификациясы пайда болады, — деп хабарлайды «ZhambylNews» Ақпараттық Агенттігі tengrinews.kz-ке сілтеме жасап.
Өзгерістер iOS операциялық жүйесінде жұмыс істейтін смартфондарда ғана болады. iPhone иегерлері Touch ID немесе Face ID арқылы мессенджерге кіре алады.
WhatsApp мессенджерінің жаңа мүмкіндігі алдыңғы альфа-нұсқасында пайда болған, алайда қолданушылар мұны қолдана алмайды. Бұл әдіс арқылы хат алмасу қосымшаға қосалқы қорғаныс орнатуға болады. Әзірге бұл жүйенің қашан шығатыны белгісіз.
