Таразда қала күніне тарту ретінде ең ұзын субұрқақ ашылды
Еліміздегі ең ұзын және ерекше субұрқақ Тараз қаласында ашылды. Қала күні қарсаңында көне шаһар тұрғындарына тамаша тарту болған 220 метрлік субұрқағы «Желтоқсан толқыны» аллеясыда орналасқан, — деп хабарлайды «ZhambylNews» АА.
Бұлақ боп атқылаған «Желтоқсан толқыны» субұрқағының ұзындығы – 220 метр. Алғашқы толқыны 86 деген монументальды мафтан басталады.
Субұрқақтың 2 жағында пырақтың, 14 дана барыстың және самұрықтың мүсіндері орналасқан. Толқындар субұрқақтың соңына жетіп, кері қайтқанда Тәуелсіздікті белгілейтін күн мен бүркіттің бейнесіне айналып, Егемендікке ұласады.
Субұрқақ ақ мәр-мәр тастан жасалған. Ал, «Желтоқсан толқыны» аллеясының аумағы 0,5 гектар, ені — 20 м. ұзындығы — 240 м. Құны — 284 млн. теңгені құрайды
