Бүгін республиканың басым бөлігінде жауын-шашынды болады, ал солтүстікте қар жауады. Кей жерде екпінді жел соғып, көктайғақ болады, — деп хабарлайды «Zhambylnews» Ақпарат Агенттігі «Қазгидромет» РМК-ға сілтеме жасап.
Жамбыл, Қызылорда облыстарының кей жерінде тұман, көктайғақ болып, жел секундына 15-20 метр жылдамдықпен соғады.
Түркістан облысының кей жерінде тұман түседі. Ақмола облысының кей жерінде тұман, көктайғақ, бұрқасын болып, желдің жылдамдығы секундына 15-20 метрге дейін күшейеді.
Қарағанды, Шығыс Қазақстан облыстарының кей жерінде тұман, көктайғақ болады.
Қостанай, Солтүстік Қазақстан облыстарының кей жерінде бұрқасын жел соғып, оның жылдамдығы секундына 15-20 метрге дейін күшейеді.
Маңғыстау облысының кей жерінде тұман, көктайғақ болады. Батыс Қазақстан облысының кей жерінде көктайғақ күтіледі.
Алматы мен Атырау облыстарының кей жерінде жел секундына 15-20 метр жылдамдықпен соғады.
Ақтөбе облысының кей жерінде күндіз бұрқасын болады.
