Алдағы жылдары елордада гуманистік педагогика қағидасы бойынша жұмыс жасайтын мектептер мен балабақшалар ашылады деп жоспарлануда. Бұл жөнінде бүгін Астанада өткен Паата Амонашвилидің білім беру курсы барысында журналистерге сұхбат берген «Жандану əлемі» қорының қоғаммен байланыс менеджері Болат Əділбек мəлімдеді, деп хабарлайды Baq.kz тілшісі.
Ол мəскеулік орталықтың басшылары жақын келешекте Астанада гуманистік педагогика қағидасы бойынша жұмыс жасайтын мектептер мен балабақшалар ашуы əбден ықтимал екенін атап өтті.
«Гумагистік педагогика академиясы Əлия Назарбаеваның «Жандану əлемі» атты жекеменшік қорының пилоттық жобасы болып табылады. Аталған қордың арқасында академия құрылып отыр. Өз кезегінде, бұл академия елордада гуманистік педагогика қағидасы бойынша жұмыс жасайтын мектептер мен балабақшалардың ашылуына негіз болмақ», — деді Б.Əділбек.
Дереккөз: Baq.kz
