21 сәуір күні Жамбыл облысы аумағында коронавирустық инфекцияның 5 жаңа жағдайы тіркелді , — деп хабарлайды «ZhambylNews» АА облыс әкімінің баспасөз қызметіне сілтеме жасап.
⠀
Олардың екеуі — 1986 жылы туған Тараз қаласы және 1966 жылы туған Меркі ауданының тұрғындары. Екеуі де вахталық негізде Атырау облысының Теңіз кентінде жұмыс істейді.
⠀
Қалған 3 жағдай Тараз қаласында анықталған. Облыс орталығының 1963, 1984 және 2014 жылдары туған тұрғындары бұған дейін инфекция жұқтырған науқастармен байланыста болғаны үшін карантинге оқшауланған.
⠀
Барлық науқастар жұқпалы аурулар стационарына жеткізілді.
Ошақтарда эпидемияға қарсы өңдеу іс-шаралары жүргізілді. Барлық жақын байланыста болған адамдар карантиндік стационарға оқшауланды.
⠀
22 сәуірдегі жағдай бойынша Жамбыл облысы аумағында коронавирустық инфекцияның 76 жағдайы тіркелген. 24 науқас емделіп, стационардан шығарылды. Олардың барлығы үй карантинінде медициналық бақылауға алынған.
