Сіздерді Отан қорғаушылар күнімен құттықтаймын!
Бұл мереке – ерлік пен батылдықтың, қайсарлық пен Отанға адал қызмет етудің айқын көрінісі. Біздің сарбаздар мен офицерлердің бойындағы патриотизмі мен ержүректілік қасиеттері Отанды қорғауды өздерінің кәсіби-міндеттері ретінде таңдаған осы саладағы барлық жандарға деген шынайы құрмет сезімін оятады.
Қазақстанда елдің қорғаныс қабілетін нығайтуға, заманауи және кәсіби әскер құруға айрықша назар аударылуда.
⠀
Қарулы Күштер қатарында қызмет ету әрбір қазақстандықтың абыройлы борышы. Бүгінде аға буынның жауынгерлік дәстүріне негізделген патриотизмнің адамгершілік мектебі қалыптасты.
⠀
Осынау айтулы күнде барлық Отан қорғаушыларға зор денсаулық, баянды бақыт, сәттілік тілеймін! Ержүрек және қайсар жандардың мерекесі әрқашан жарқын әрі шат-шадыман күйде тойлана бергей.
Аспанымыз ашық, еліміз тыныш болсын!
⠀
Отанымыз — Қазақстан Республикасының өркендеуі жолындағы баянды бастамаларымыз бен жемісті жұмыстарымыз алға баса берсін.
⠀
Құрметпен, Бердібек Сапарбаев
