Еуропаға сырқатына ем іздеп барған ақын Жүрсін Ерман ауруханада жатып, жұбайына өлең оқыды, деп хабарлайды Stan.kz ақпарат агенттігі.
Бейнежазба ақынның Instagram-дағы парақшасында жарияланды.
“Жамкенжан, осы аурудан өлем білем,
Алланың аманатын берем білем.
Кеудемнен көкала үйрек «қош» деп ұшты,
Сол шіркін, кәрі жолдас өлең білем”, – деді Жүрсін Ерман “Әсетпен Кемпірбайдың қоштасуынан” үзінді келтіріп.
Ақынның жары Бақытжамал оның бұл сөзіне ашуланғандай болды. Бейнежазбадан оның да көзіне жас алғанын көруге болады.