Тараздық студенттер салауатты өмір салтын таңдайды

0 15

2022 жылдың 18 сәуірінде Тараз сервистік-технологиялық колледжінде қыздар арасында волейболдан турнир өтті , – деп хабарлайды “ZhambylNews” АА.

Іс-шараны Жамбыл облысының Полиция департаменті Есірткі қылмысына қарсы іс-қимыл басқармасы, қалалық жастар ресурстық орталығы, Жамбыл облысы әкімдігінің дене шынықтыру және спорт басқармасы ұйымдастырды.

Турнирге құрамында Жамбыл медициналық жоғары колледжінің, Жамбыл политехникалық жоғары колледжінің, Тараз сервистік-технологиялық колледжінің, сондай-ақ “Тараз-Парасат” және “Alem”кәсіптік білім беру колледждерінің студенттері кірген 6 команда қатысты.

Жарыс қорытындысы бойынша бірінші орынды Жамбыл политехникалық жоғары колледжінің командасы, екінші орынды -“Тараз – Парасат” колледжінің командасы, үшінші орынды “Alem”кәсіптік-білім беру колледжінің командасы иеленді. Жеңімпаздарға грамоталар, медальдар, кубоктар және бағалы сыйлықтар табыс етілді.

⁃ Бүгінгі турнир “Спорт есірткіге қарсы” ұранымен өтуде. Спорттық іс-шараның мақсаты – жастар арасында салауатты өмір салтын насихаттау және нашақорлықтың алдын алу, нашақорлыққа қарсы күресті күшейту, жасөспірімдердің бойында патриоттық сезімді қалыптастыру, – деп атап көрсетті Жамбыл облысының Полиция департаменті Есірткі қылмысына қарсы іс-қимыл басқармасының бастығы полиция полковнигі Асқар Жұмабеков.

Leave A Reply

Your email address will not be published.