Бүгінде Сарысу ауданында кіші футбол спорты дамып, қанат жайып келеді. Жас жеткіншектер кіші футболды жандарына серік етіп, байрақты бәсекелерде жүлделі орындарды иеленіп келеді.
Жақында көршілес Қырғыз жерінен ақжолтай сүйінші хабар келіп жетті. 13-15 маусым күндері аралығында Қырғызстан Республикасында 2013 — 2014 жылы туылған жасөспірімдер арасында халықаралық жарыс өтті. Жарысқа 8 команда қатысып, бақ сынаған болатын. Аталған сайысқа Жаңатас қаласының жас футзалшылары қатысып, қарсылас шақ келтірмей жарыс жеңімпазы атанды. Жаттықтырушыдары Асқанбек Зубайра мен Азизхан Айтжановтың шәкірттері үмітті ақтап, биік белесті бағындырды.
Халықаралық жарыстың «Үздік ойыншысы» номинациясын Мейірлан Дәулетұлы жеңіп алды. Жеңімпаздар мен жүлдегерлерге ұйымдастырушылар тарапынан дипломдар, медальдар мен кубокпен марапатталды.
