Жұмыс жасап, тірлігін тіктетем деген адамға әрқашанда қолдау бар! Бұған тұрғындардың тұрмыстық табысын арттыру бойынша пилоттық жоба сеп болады. Қәзір, «Ауыл аманаты» атауымен іске асырылып жатқан бағдарламаның шарапатын көргендер жетерлік. Ия, бірі аула маңын тиімді пайдаланып табысын артырып жатса, бірі тігін цехын ашып, қазақтың ою – өрнегімен түрлі киімдер тігуде. Сондай жанның бірі Тұрар Рысқұлов ауданы Көкдөнен ауылының тұрғыны Дина Оразымбетова.
Көкдонен ауылдық округінің тұрғыны кәсіпкер Дина Оразымбетова өз кәсібін ашу мақсатында тігін жабдықтарын сатып алуға «ауыл аманаты» жобасы аясында 6 300 000 тенгеге несие алған. Соның арқасында тігін цехын ашып, қәзір толыққанды жұмыс істеуде.
Цехта 3 адам тұрақты жұмыс істейді. Негізінен өндірілген өнімді жеке компаниялармен сауда нүктелеріне өткізеді. Алдағы уақытта қосымша тігу станоктарын алып, цех жұмысын кеңейтуді жоспарлап отыр. Ал, ауданда мұнан өзге де кәсіпкерлер мемлекеттің қолдауының арқасында жұмысын бір жүйеге қойған. Үлкен цехтар мен жаңа жұмыс орындары ашылған.
«Ауыл аманаты» жобасы бойынша қаржы алған кәсіпкер алған несиесінің 3/1 — ін мерзімінен бұрын толығымен жабатын болса, өз бизнесін дамытуға 8000 АЕК-ке дейін қайта қаржылану үшін ұсыным бере алады. Ауылдағы ағайынның негізгі күн көріс көзі ауыл шаруашылығы. Онымен қоса шағын және орта бизнесті де дамытуға қолдау жасалуда. Енді соны ұтымды пайдаланып, тірлігіңді алып кетсең болғаны. Бүгінгі кейіпкеріміз де барлық қиындықтарға қарамастан, кәсіптің көзін тауып, отбасының мерейін асырып отыр.
