Үкімет тарапынан ауылшаруашылық саласын қолдауға түрлі шаралар қабылданып келеді. Сарысу ауданында, аталмыш салаға баса назар аударылып, жаңа технологияларды енгізу жұмыстары жүйеленіп жатыр. Осы орайда, аудан әкімі Сәкен Мамытов Жайылма ауылында болып, «Nur-Tleu» ауылшаруашылық кооперативінің жұмысымен танысты.
Ал, аталмыш кооперативте су үнемдеу мақсатында спринклерлі суару жүйесі қойылды. Аталған кооператив төрағасы ағымдағы жылы 45 гектар алқапта ауыл шаруашылығы дақылдарын орналастырды.18 гектар дәндік жүгері, 10 гектар жаздық арпа, 4 гектар бақша дақылдары және 13 гектар жоңышқа дақылдары орналастырылған.
Сондай-ақ, кооператив төрағасы дәндік жүгерінің будан тұқымдарын пайдалануда. Кооператив жұмысымен танысқан аудан басшысы шаруашылықты дөңгелетіп отырған «Nur-Tleu» ауылшаруашылық кооперативінің алдағы жұмыстарына сәттілік тілеп, жаңа технологияның шаруашылық үшін маңыздылығы туралы айтты.
