Елімізде киберқауіпсіздікті күшейту бағытында жоспарлы жұмыстар жүргізілуде. Мәселен Жамбыл облысында CyberShekteuTaraz Telegram боты жұмыс істейді. Қазірдің өзінде онда алаяқтыққа қатысты 500-ге жуық хабарлама жарияланған. Тұрғындар ботты қауіпті сілтемелер, алаяқтардың телефон нөмірлері және әлеуметтік желілер мен базардағы жалған жарнамалар туралы хабарлау үшін пайдалана алады.
Айта кету керек биылғы жылдың наурызынан бастап елімізде дербес деректерді, электрондық құжаттарды және ЭЦҚ қорғау саласындағы бұзушылықтар үшін жауапкершілік күшейтілді: әкімшілік жауапкершілікке тартудың ескіру мерзімі ұлғайды, дербес деректерді қорғау саласындағы әкімшілік айыппұлдар 3 есеге, ал ақпараттандыру саласында 5 есеге өсті. ЭЦҚ-ны заңсыз пайдаланғаны және оның түпнұсқалығын тексермегені үшін жаңа шаралар енгізілді.1 млн-нан астам дербес деректерді өңдейтін операторлар үшін міндетті кибер сақтандыру енгізілді. Заңсыз несиелердің алдын алуға және азаматтарды алаяқтықтан қорғауға көмектесетін бұзылған деректер тізілімі жасалады.
Amanat партиясы Ақпараттық қауіпсіздік комитетімен, Балаларды қорғау комитеті, Ішкі істер министрлігі, Қаржылық мониторинг агенттігі, Қаржы нарығын реттеу және дамыту агенттігі және Мемлекеттік техникалық қызметімен, ЦАРКА, MSSP.GLOBAL компанияларымен бірлесіп азаматтардың цифрлық сауаттылығын арттыруға және киберқауіпсіздікті қамтамасыз етуге бағытталған «Цифрлық қоғам» ауқымды жобасы іске асырыла бастады.
Елімізде ғана емес, Жамбыл өңірінде де соңғы жылдары интернет алаяқтық мәселесінің өзекті болғандықтан киберқылмыспен күрес басқармасы құрылды.
Ведомствоның мәліметінше, Жамбыл облысында алаяқтар көбінесе өзін банк немесе құқық қорғау органының қызметкері ретінде таныстырады. Қазіргі таңда 156 адам осы схема арқылы алаяқтықтардың құрбаны болған. Өздерін техникалық бұйымдар дүкенінің қызметкері ретінде таныстырып немесе Instagram жарнамасы арқылы жұмысқа орналасуды ұсынған алаяқтарға қатысты 184 жағдай тіркелді. Сонымен қатар 119 тұрғын жеке мәліметтерін алаяққа беріп, олардың атына онлайн несие рәсімделген.
«Дропер (ұрланған ақшаны алуға көмектескен адам) ҚР Қылмыстық кодексінің 28-бабының 5-бөлігі бойынша сыбайлас ретінде қылмыстық жауапкершілікке тартылады. Жәбірленушілер оларға келтірілген шығынды өндіру туралы талап қоюға құқылы», — дейді киберқылмыспен күрес басқармасының басшысы Уәлихан Ағыбаев.
