«Astana Arlans» командасы WSB Дүниежүзілік бокс сериясы аясында Үндістанның Рохтак қаласында «Indian Tigers» командасымен кездесу өткізді.
Теміртас Жүсіпов Шиам Кумар Какараны 2:1 есебімен (50:45, 48:47, 47:48) тізе бүктірді.
56 кг:
Нұрсұлтан Қосшығұлов үндістандық боксшы Эташ Хан Мухаммедке есе жіберді 0:3 (46:49, 47:48, 46:49).
64 кг:
Ділмұрат Мижитов Дхеерайдфті 2:1 (50:45, 47:48, 49:46) есебімен жеңді.
75 келіге дейінгі салмақта Әбілхан Аманқұл жергілікті боксшы Ашиш Кумармен жекпе-жекке шықты. 5 раунда созылған кездесуде қазақ жігіті қарсыласын қуып жүріп сабады. Үш төреші де жеңіске қазақстандық боксшы лайық деп таныды (49:45,50:45,49:46). Осылайша ол «Astana Arlans» командасына мерзімінен бұрын жеңіс сыйлады — 3:1.
91 келіге дейінгі салмақта Әбілхайыр Тұрланбек Санджет Санджеттен айласын асыра алмады. Бұл оның дебюттік жекпе-жегі болатын.
Осылайша жалпы есеп 3:2 болып аяқталды.
Еске сала кетейік, қос команданың бірінші кездесуі 10 ақпан күні Қарағанды қаласында өтіп, жерлестеріміз 4:1 есебімен жеңіске жеткен болатын.
Дереккөз: Baq.kz