Көшелерді жарықтандыру, жол белгілері мен бағдаршамдарды реттеу мәселесі — Тараз қаласында өзекті болып отыр. Көне қаланың көркі жайында біраз уақыт бұрын облыс әкімі А.Мырзахметов қала әкіміне сын айтқан болатын, — деп хабарлайды «Zhambylnews» AA.
Қазір осы бағыттағы жұмыстар атқарылып жатыр. Бейберекет қойылған жол белгілері мен бағдаршамдар жайында ақпарат беруге қала халқы көмек көрсетуде. Тараз қаласындағы 14 көше мен 84 көше қиылысындағы бағаналардың тозығы жеткен.
Жамбыл даңғылының бойында орналасқан 68 бағдаршамды ауыстыруға 19 миллион теңге қаражат қарастырылатын болады. Орталық көшелер интеллектуалды жаяу жүргіншілер өткелімен жабдықталып, бұқаралық ақпарат құралдары мен әлеуметтік желі арқылы көлік жүргізушілердің көлік ағынын азайтуға қатысты ұсыныстарына көңіл бөлінеді.
Сонымен қатар қала көшелеріндегі жарнамаларды орналастыру ісіндегі жүйесіздіктерді реттеумен айналысатын арнайы құрылым пайда болуы мүмкін.
