Батыс Қазақстан облысында киік атып, оның мүйізін сатумен айналысқан браконьер қолға түсті, — деп хабарлайды «Zhambylnews» AA Хабар 24 сайтына сілтеме жасап.
Казталов ауданынының ішкі істер қызметкерлері күдікті мінген көлікті Жәнібек ауданы Күйгенкөл ауылының маңында тоқтатқан. Тексеру барысында оның машинасынан 68 дана киік мүйізі табылған. Қазір қылмыстық іс қозғалып, келген шығын анықталып жатыр.
Айта кетейік, өткен жылы өңірде киікті заңсыз аулау мен оның мүйізін сақтап, тасымалдауға қатысты 42 қылмыстық іс тіркелсе, биыл жыл басынан бері осындай оқиғаның саны 17-ге жетті.
«Киік мүйізін қайдан алғаны қылмыстық іс бойынша анықталып қаралып жатыр. «Охотзоопром» мемлекеттік инспекторлары үшін бүгінгі таңда бірінші тоқсанда он төртінші қылмыстық іс болып тұр», — дейді «Охотзоопром» РМК Орал өңірлік филиалының басшысы Дархан Саматов.
