Ағымдағы жылдың 7-9 маусым аралығында Тараз қаласы «Тараз-Арена» спорт сарайында есту қабілеті төмен спортшылыр арасындағы Қазақстан Республикасының 2-ші Спартакиадасына Жамбыл облысының іріктеу жарысы өтеді, — деп хабарлайды «Zhambylnews» AA.
Спартакиада 10-спорт түрінен өтеді. Атап айтар болсақ, жүзу, жеңіл атлетика,шахмат, үстел тенисі, еркін күрес, грек-рим күресі, шағын футбол, бадминтон, дзюдо, армрестлинг секілді спорт түрлерінен спортшылар өз бақтарын сынайды.
Жарысқа Жамбыл облысының аудандары мен Тараз қаласынан жалпы саны 100 – ге жуық спортшы қатысады деп жоспарлануда. Сондай-ақ, басшылықты Жамбыл облысы әкімдігінің дене шынықтыру және спорт басқармасы жүргізеді.
Аталған шараның басты мақсаты — Жамбыл облысының құрама командасын жасақтау, облыста мүмкіндігі шектеулі азаматтар арасында салауатты өмір салтын қалыптастыру және спортты насихаттау.
Жарыстың салтанатты ашылуы: 2018 жылдың 7 маусым күні, сағат 10.00-де
