Бүгін Тараз қаласы «№5 Арнаулы әлеуметтік қызметтер ұсыну» орталығы мен «№51 Бәйтерек» бастауыш партия ұйымының ұйымдастыруымен 17-маусым «Медицина қызметкерлерінің күніне» орай «Болашақ дәрігер — ұлт денсаулығының кепілі» атты мерекелік іс-шара өткізілді, — деп хабарлайды «Zhambylnews» AA.
Аталған іс-шарада қалалық мәслихат үйінің хатшысы Батырбек Құлекеев пен қалалық «Нұр Отан» партиясының 1-ші орынбасары Арын Ілиясұлы қызметкерлерді аталмыш мерекемен құттықтап, қалалық мәслихаттың алғыс хатымен марапаттады.
Мерекелік кеште интернат үйінің қызметкерлері мен көркем өнерпаздар мүшелерінің ұйымдастыруымен концерттік бағдарлама өткізілді. Сонымен бірге, әлеуметтік сала қызметкерлерінің қатысуымен қызықты қойылымдар қойылды.
