Маусым айының 15-ші жұлдызында «№5 Арнаулы әлеуметтік қызметтер ұсыну Орталығында», «№51 Бәйтерек бастауыш партия ұйымының ұйымдастыруымен» 17-маусым Медицина қызметкерлерінің күніне орай «Болашақ дәрігер- ұлт денсаулығының кепілі» атты мерекелік іс-шара өткізілді. Бұл туралы «ZhambylNews» Ақпараттық Агенттігі хабарлайды.
Мерекелік іс-шара өткізу мақсаты: Денсаулық- адам үшін баға жетпес байлық екендігін, бұл күн құрмет пен алғысқа бөленіп, осынау қилы заманда адамға ең керек қайырымдылықты, мейірім шапағатын тілеп жүретін ақ халатты абзал жандар екендігін атап өту. Әрбір адам дәрігерлерді ұлықтау, құрметтеу азаматтық борыш болып табылатындығын насихаттау.
Аталған іс-шараға «Қалалық мәслихат үйінің» хатшысы Құлекеев Батырбек Әбдірәсілұлы және де «Қалалық Нұр Отан партиясының» 1-ші орынбасары Асқарбеков Арын Ілиясұлы қонақта болды. Ол кісілер қызметкерлерді аталмыш мерекемен құттықтап «Қалалық маслихаттың» алғыс хатын: Директордың медициналық жұмыс жөніндегі орынбасары Джунушалиева Анар Сағынбекқызы мен медбике Шанбаева Айгүл Мейірбекқызына табыстады.
Науқастарға медициналық көмек көрсетудегі рақым, жақсылық және кәсіпқойлық үшін Ұлттық Медициналық Ассоциациясының «Мейірім» төсбелгісімен Таубалдиева Айнұр Досанқызы марапатталды. Аталмыш мерекемен Орталық директоры Бердалиев Мұрат Әзімханұлы өз ыстық лебізін білдіріп, қызметкерлерді құттықтап марапаттау рәсімін өткізді. Марапттау рәсімінде Орталықтың қоғамдық жұмыстарына белсене араласқаны үшін және ерінбей еңбек етіп жүрген көптеген қызметкерлеріміз Қалалық кәсіподақ ұйымының және де Жамбыл облыстық жұмыспен қамтуды үйлестіру және әлеуметтік бағдарламалар басқармасы мен «№5 Арнаулы әлеуметтік қызметтер ұсыну Орталығының» әкімшілік және кәсіподақ ұймының алғыс хаттары мен құрмет грамоталарымен мадақталды.
Аталған концерттік бағдарлама интернат үйінің қызметкерлері мен көркем өнерпаздар мүшелерінің ұйымдастыруымен өткізілді. Концертте: «тек алға», «Бол жанымда», «Қыздар» әндері шырқалып, «Шашу» би тобыны қыздарының орындауында «Қазақ биі», «Хорезм», «Шығыс» билері биленіп, әлеуметтік сала қызметкерлерінің қатысуымен қызықты қойылымдар қойылды. Қызметкерлер көтеріңкі көңіл- күймен тамашалады
