Тараз қаласында «Әлемді кітап арқылы танимын» атты оқырмандар арасында «Сұлтан Қалиев оқулары» өтеді, — деп хабарлайды «ZhambylNews» Ақпараттық Агенттігі.
Шараның мақсаты қазақтың көрнекті ақыны, жазушы, балалар әдебиетінің атасы Сұлтан Қалиевке 75 жыл толуына орай ақынның өмірі мен шығармашылығын түсіндіру. Балаларға арналған сан алуан тақырыптағы танымдық-тәрбиелік туындылары арқылы қазақтың тілі мен әдебиетіне, мәдениетіне деген ықыласын артыру және көркем сөз оқу шеберлігін, тіл мәдениетін жетілдіру. Ең көп оқитын оқырмандарды анықтау және оларға қолдау көрсету мақсатында «Әлемді кітап арқылы танимын» ең көп кітап оқитын оқырмандар арасында өтетін «Сұлтан Қалиев оқулары» атты облыстық байқау ұйымдастырылуда.
