Тәтті әрі өткір күшті ішімдіктер бауырға қосымша күш түсіреді. Мұндай ескертуді жаңажылдық кешке орай ресейлік психиатр-нарколог Евгений Брюн жасады, — деп хабарлайды «ZhambylNews» АА Tengrinews.kz-ке сілтеме жасап.
Ресей Денсаулық сақтау министрлігінің штаттан тыс бас маманы психиатр-наркологтың мәлімдеуінше, жаңажылдық кеш үшін ішімдік алғанда ақ құрғақ шарапты таңдау керек, себебі оның ағзаға зияны айтарлықтай төмен.
«Ең дұрысы, ақ құрғақ шарап, ол бауыр үшін айтарлықтай жеңіл. Бастысы — өткірлігі күшті ішімдіктерді ішпеу», — деді ол.
Брюннің айтуынша, тәтті ішімдіктер денсаулық үшін зиянды, себебі олар бауырға түсетін салмақты арттырады. «Ішімдік пен қант бір-бірімен бәсекелес болып келеді, сондықтан ішімдік одан әрі қорытылмай қояды», — деп түсіндірді Брюн.
Оның сөзіне қарағанда, түнде ішімдік ішу денсаулық үшін зиянды, себебі бауыр түнгі уақытта ішімдікті өте нашар қорытады, соның салдарынан ішімдік токсикозы күшейеді.
