Тараз қаласының әкімдігі ардагерлерге үнемі қамқорлық көрсетіп келеді — А. Түсіпов

Тараз қаласының әкімі Ғалымжан Райылұлы Абдраймовтың 2018 жылдың қорытындысы бойынша атқарған жұмыстары жөніндегі баяндамасымен таныстық.

Екі мың жылдан астам тарихы бар Тараз шаһары бүгінде жаңару үстінде, жыл сайын түрленіп, жаңа ғимараттар бой көтеруде.

Әсіресе, өткен жылы қаланы көріктендіру, саябақтарын көркейтуге баса назар аударылды.

Қаланың әлеуметтік-экономикалық дамуын қамтамасыз ету бағытында атқарылып жатқан жұмыстарға қалалық ардагерлер кеңесінің мүшелері де өздерінің сүбелі үлестерін қосуда.

Елбасының «Болашаққа бағдар: рухани жаңғыру» және «Ұлы даланың жеті қыры атты» бағдарламалық мақалалары аясында жас ұрпаққа патриоттық және адамгершілік тәрбие беру мақсатында соғыс және еңбек ардагерлері «дөңгелек үстел», тақырыпты кештер, дискусияларға қатысып, өз ой пікірлерін ортаға салуда.

Соғыс және еңбек ардагерлеріне қамқорлық жасау, мерейтойларымен құттықтау, тиісінше көмек көрсетуді қала басшылығы еш уақытта назардан тыс қалдырған емес.

Алдағы уақытта да осы мәселеге  айрықша көңіл бөлінсе деген тілегіміз бар. Ардагерлер ұйымы, оның белсенділері қаламыздың өсіп-өркендеуіне барлық жігер-күшін, өмірлік тәжірибесін аямай жұмсайды.

Тараз қалалық ардагерлер кеңесінің төрағасы Түсіпов Алдиярбек Әли-Асқарұлы