Мойынқұм ауданында 37 мемлекеттік көрсетілетін қызметтің 76 пайызы автоматтандырылған
Мойынқұм ауданы бойынша 37 мемлекеттік көрсетілетін қызметтің 76 пайызы автоматтандырылған. Бұл «Цифрлы Қазақстан» бағдарламасының нәтижесі, — деп жазады «ZhambylNews» ақпарат агенттігі.
Мемлекеттік қызметті автоматтандыру «Цифрлы Қазақстан» бағдарламасының аясында жүргізілуде. Үйден шықпай-ақ электронды түрде тіркелу мен құжат алуды, мемлекеттік қызметтің жаңа түрлерін қазір ата-аналар да жетік меңгерген. Олар үйде отырып-ақ жеке тұлғаның электронды цифрлы қолтаңбасы арқылы электрондық үкімет веб-порталындағы «edu school» сайтына өтініш пен қажетті құжаттардың нұсқасын енгізіп, таңдаған мектебіне баласын орналастыра алады. Мәселен, аталған қызмет бойынша, 2020 жылы Мойынқұм ауданында 597 бала білім беру ұйымдарының 1-ші сыныбына қабылданды. Оның ішінде, тек 30-ға жуық ата-ана электронды түрде құжат өткізу үшін білім бөлімінің консультациясына жүгінген. Осы деректерге сүйене отырып, халық арасында мемлекеттік көрсетілетін қызметті электрондық үкімет веб-порталы арқылы жүзеге асырылуы өте жақсы деңгейде деуге толық негіз бар.
Білім саласында бұдан бөлек, Мойынқұм ауданы бойынша 37 мемлекеттік көрсетілетін қызметтің 76 пайызы автоматтандырылған.
