«Халық үніне құлақ асатын мемлекет» тұжырымдамасы аясында Жамбыл облысының әкімі Ербол Қарашөкеев азаматтарды кезекті рет жеке қабылдады.
Бұл жолы 12 тұрғынның тарапынан денсаулық сақтау, ауыл шаруашылығы, жұмыспен қамту, жол, энергетика және тұрғын-үй коммуналдық шаруашылық салаларына қатысты ұсыныс-пікірлер айтылды.
Өз кезегінде Ербол Қарашөкеев халық көтерген түйткілдер қараусыз қалмайтынын айтып, мәселелерді шешімін тапқанша өз бақылауында ұстайтынын атап өтті.
Келіп түскен өтініштерді жан-жақты зерделеу бойынша Тараз қаласы мен аудан әкімдеріне, басқарма басшыларына бірқатар тапсырма жүктелді.
Еске сала кетейік, облыс әкімінің азаматтарды жеке мәселелері бойынша қабылдауы алдын ала жазылу арқылы тұрақты негізде жүргізіледі.
