Бүгін облыстық перинаталдық орталығында Наурыз мерекесіне орай ұйымдастырылған, «Шаттық» күні аясында «Бір сәби – бір ағаш» атты акция өтті, Zhambylnews AA хабарлайды.
Қала аумағын жасыл желекке айналдыру мақсатында ұйымдастырылған шараға қала әкімінің орынбасары Кенжебек Олжабай, қалалық денсаулық бөлімінің басшысы Индира Қарағаева, облыстық перинаталдық орталығының бас дәрігері Айгүл Айтбаева, 18 наурыз күні туылған нәрестелердің ата-аналары мен өкілдері қатысты.
Перинаталдық орталықтың арнайы белгіленген орындарында ата-аналармен бірлесіп көпжылдық ағаш көшеттері отырғызылып, сол ағаштың паспорты сəбилердің ата-аналарына табысталды.
