Ақтау қаласында 21-ші шілдеге қараған түні белгілі ақтөбелік КТК ойыншысы Данияр Əлімбаевті пышақтап өлтіріп кетті, — деп хабарлайды «ZhambylNews» AA.
Түн ортасында екі бірдей аяғынан пышақ жарақатын алып ауыр жағдайда ауруханаға түскен Даниярға жедел түрде ота жасалып, жансақтау бөліміне ауыстырылды. Бірақ, көп қан жоғалтуына байланысты дәрігерлер Даниярды аман алып қала алмады.
«Аталмыш факті бойынша ҚР ҚК-нің 99-бабы 1-бөлігі (Адам өлтіру) бойынша сотқа дейінгі тергеп-тексеру амалдары жүргізілуде. Сот-медициналық сараптамалар тағайындалды. Күдіктілер ұсталды. Үшеуі де Ақтау тұрғындары», — деп хабарлады Маңғыстау облыстық Ішкі істер департаментінің баспасөз қызметінен.
32 жастағы марқұмның артында әйелі мен 4 баласы жетім қалды.
