«Тірідей пісірген бе?» Қойдың басын ажыратпай әзірлеген ас жұрттың ашуына тиді

By ZhambylNews On Авг 22, 2022

Қойды басымен бірге пісіріп, дастарханға тартқандардың әрекеті сынға қалды. Жұрт бұны тағамды қорлау деп отыр, деп хабарлайды Экспресс К.

Ерекше астың бейнежазбасы әлеуметтік желіде тарады. Видеода дастархан үстіне бүтіндей пісіріліп қойылған қойды көруге болады. Табаққа төрт аяғын бүгіп, басымен қоса сала салған.

Етті осылай қонақтарға тартсақ, шошытып аламыз-ау бұл түрімізбен,

— деп жазылған бейнежазбаға.

Желідегі жұрт бұл тағамды қатты сынға алуда. Бірі асты қорлау деп ашуға булықса, енді өзгелері тоқтықтың салдары қазіргі қоғамды кейін тартып барады дегенді жазуда.

«Мынаған қараудың өзі аянышты». «Тоқтық не істетпейді». «Біреу тойып секіреді деген заман болды ғой». «Масқара, бұл дұрыс емес қой». «Мынау не сұмдық? Жиіркенішті». «Атам қазақ басты бөлек алып келуші еді». «Соймай, тірідей пісірген бе, обал-ай»,

— деген ашулы жазбаларын жазуда желі қолданушылары.