Пернетақтаны қалай оңай тазалауға болады, қайшыны қайрау жолы қандай, былғары сөмкенің жағымсыз иісін қалай жоғалтуға болады және тағы басқа да сұрақтардың жауабын осы материалдан оқыңыз.
– Пернетақтаның арасына жиналған ұсақ қоқымды стикердің көмегімен алуға болады. Ол үшін стикердің жабысатын жағын қолданыңыз.
– Егер еденге әлдебір ұсақ затты түсіріп алсаңыз, оны табу сіз ойлағандай қиын емес. Шаңсорғыштың ауызына капрон шұлықты кигізіп, еденнің шаңын сорғызыңыз. Жоғалтқан кішкентай түйме де оңай табылады.
– Өтпей қалған қайшыны қайрау үшін әйнек ыдыстың сыртынан жаймен қайшылаңыз. Қайшының жүзі өткірлене түседі.
– Былғары сөмкені жағымсыз иісінен арылу үшін шұлыққа біраз ас содасын салып, сөмкеге салып қойыңыз. Бір түнде-ақ жағымсыз иістен тазарады.
– Егер ас бөлмеге шіркей, ұсақ шыбындар қаптап кетсе, еш уайымдамаңыз. 400 мл суға 30 мл арақ пен ыдыс жууға арналған сұйықтықтан 3-4 тамшы тамызып, араластырыңыз да, осы сумен шіркейлер көбірек шоғырланған жерлерді сүртіп шығыңыз. Шіркейлер тез-ақ жоғалып кетеді.
– Аяқ киімдерді капрон шұлықпен тазалап көріңіз. Әсіресе, күдері (замшевый) аяқкиімдердің шаңы мен кірі оңай тазарады.
Дереккөз: anabol.kz
