Газ желісіндегі ақаулар бүгін толықтай ретке келтіріледі

0 4

Солтүстік-батыстан соққан қатты желдің салдарынан аудандағы электр желісінің үзілуімен қатар газ құбырының істен шығуы орын алуда. Екпіні 28 м/с болатын желдің ұйытқуынан орын алған келеңсіздіктерді жою мақсатында аудан әкімі Сәкен Арубаевтың басшылығымен шұғыл жұмысшы топ құрылып, елді мекендерде зерделеу жұмыстары жүргізілді , — деп хабарлайды «ZhambylNews» Ақпараттық Агенттігі.

Қазіргі мәліметке сәйкес, 10-ға жуық жарықсыз отқан ауылдарға сала қызметкерлері жөнелтілген. Сондай-ақ бірқатар ауылдағы газ құбыры істен шыққан.

«КазТрансГазАймак» АҚ Жамбыл газ шаруашылыгынын директоры Тимур Бауржанұлы газ желісіндегі ақауларды ретке келтіру жұмыстарын бүгін аяқталатынын жеткізді.

20 қызметкерден құралған 5 жұмысшы топ ауылдарға жөнелтілді.
Қазір Новоджамбульск, Шоқай саяжайындағы 4 газ құбыры ретке келтіріп, тұрғындарға «көгілдір отынды» қолданысқа бердік. Қазір қосымша жасақ, басқа да ауылдарда жүр. Бұдан бөлек газсыз отырған 26 абоненттің үйлеріне баратын боламыз,дейді ол.

Сонымен қатар, өрт сөндіру қызметкерлері мен «Аса-су» мекемесі тарапынан жұмыстар жүргізілуде.

Leave A Reply

Your email address will not be published.