Өнер иесі туралы сүйінші жаңалықты көпшілікке жақын құрбысы Ерке Есмахан мәлімдеді, деп хабарлайды Stan.kz ақпарат агенттігі.
Әншінің оқырмандары құдалығында құрбысы Гүлназдың жоғын байқаған. Ерке осыған байланысты қойылған толассыз сұрақтарға желідегі парақшасында жауап берді.
“Көпшілікті толғандырған “Кешегі құдалықты неге Гүлназ құрбың жоқ?” деген сұрақ бар екен. Екеуіміз жүріп-жүріп, енді бір-бірімізге қабаттасып күйеуге шығып жатырмыз. Кеше Ақтауда Гүлназға да сырға салды, ағайын. Бір күнде “сырғалым” атандық. Теңін тапқан құрбыма “бағың ашылсын” деймін. Бақытты, үбірлі-шүбірлі болыңдар! Құттықтап қойыңыздар”, – деп құрбысына тілеулес екенін білдірді ол.
Актрисаның өзі ешқандай мәлімдеме жасамаса да, сырға салу рәсіміне дайындық сәтімен бөлісті.
