Жуалы ауданында марафон өтті

0
11

Жуалы ауданы әкімдігінің денешынықтыру және спорт бөлімінің ұйымдастыруымен марафон өтті. Оған аудан тұрғындары, мектептің денешынықтыру пәнінің мұғалімдері, спорт мектептерінің жаттықтырушылары, ауылауылдағы спорт нұсқаушылары, жалпы 100-ге жуық кісі қатысты, – деп хабарлайды “ZhambylNews” Ақпараттық Агенттігі.

Марафонның ашылуы Жібек жолы көшесінің бойындағы жерлесіміз, Кеңес Одағының Батыры Бауыржан Момышұлының ескерткішінің алдында өтті. Марафонды аудан әкімдігінің денешынықтыру және спорт бөлімінің басшысы Мақсұтбек Арзымбетов ашты.

Спорт – денсаулық кепілі. Дені саудың – жаны сау. Сондықтан да Елбасымыз Нұрсұлтан Назарбаев Үкіметке халықтың спортпен шұғылдануына, саламатты өмір салтын ұстануға барынша жағдай жасауды тапсырды. Бүгінгі шараның мақсаты да осы,- дей келіп, Мақсұтбек Әбдіұлы жарысқа қатысушыларға сәттілік тіледі. Көп кешікпей марафон да басталды.

Қатысушылар 2 шақырым 400 метр қашықтыққа жүгірді. «Жүйріктен жүйрік озар жарысқанда» демекші, жарыс нәтижесінде Қызыларық ауылдық округінен Ринат Жаппаров сынды азамат І орынды иеленді. Жүлделі орындарды иеленген жеңімпаздарға ұйымдастырушылар тарапынан Диплом мен медальдар, естелік сыйлықтар тапсырылды.

Жауап калдыру

Please enter your comment!
Please enter your name here