«Қарағанды аруы» полицияға тіл тигізгені үшін сот алдында жауап беруі мүмкін
«Қарағанды аруы – 2015» тәжін жеңіп алған Рената Нұрғазина полицияға тіл тигізгені үшін жазалануы мүмкін, деп хабарлайды Today.kz.
Анықталғандай, бойжеткенді жол-патрульдік полициясы қауіпсіздік белдігін тақпағаны үшін тоқтатқан. Әкімшілік құқық бұзушылық туралы хат толтырып жатқан полицияны сұлулар байқауының жүлдегері ұялы телефонының камерасына түсіріп, оған балағат сөз қосып, түсірілген видеоны Instagram желісіндегі парақшасына жүктеген.
Рената Нұрғазинаның оқырмандарының бірі видеоны ІІД-ге жіберіп, полициядан тексеруді сұраған. Роликті жіті тексерген тәртіп сақшылары сотқа дейінгі тергеуді бастады.
«Өз міндетін атқарып жатқан билік өкіліне тіл тигізгені үшін» бабымен Қарағандының ең әдемі аруы тергеліп жатыр.
