Ақтөбеде өтетін «Бақытты бала» ән байқауына Димаш пен Данэлия келеді

Ақтөбеде 1-3 маусым аралығында алғаш рет «Бақыты бала  – 2018» ашық балалар вокалдық фестиваль-байқауы өтеді, деп хабарлайды Today.kz Ақтөбе облысы әкімінің баспасөз қызметіне сілтеме жасап. 

Жоба аясында ұйымдастырылатын іс-шараның жүзеге асу барысы өңір басшысы Бердібек Сапарбаевтың төрағалық етуімен облыс әкімдігінде өткен жиында қарастырылды.

Вокалды фестиваль-конкурсқа 10-15 жас аралығындағы балалар қатысады. Қазіргі уақытта ұйымдастыру комитеті қатысуға өтінімдер қабылдауда. Қатысушылардың географиясы шектеулі емес. Байқау конкурсанты боламын деген тілектер Грекия, Ресей, Украина, Татарстан, Қытай және Қазақстанның  вокалистері тарапынан түсті.

Ақтөбе қаласы әкімінің орынбасары Күлпаршын Айдарханова қашықтан іріктеу туры компьютерлік өңдеусіз және жанды дауыста орындау арқылы baqytty-bala@mail.ru электрондық поштасына жолданған аудио және бейнені тыңдау арқылы орын алады деп түсіндірді. Өтінімдерді қабылдау 15 мамырда жабылады.

Конкурстың екінші кезеңі 1 маусымнан басталады. Іріктеуден өткен қатысушылар жартылай финалда жеңіске жету құқығын дәлелдеу үшін Ақтөбе сахнасына шығады, содан кейін шығармашылық жарыстың финалына кіреді. Байқау соңында финалға шыққандар еліміздің ең танымал әншілері Димаш Құдайберген, Данэлия Төлешова және Луиза Нұрқуатовалармен бірге бір сахнада өнер көрсетеді.