Жамбыл облыстық ІІД қызметкерлері арнайы операция жүргізіп, Қырғыз Республикасының жеке кәсіпкерін босатып алды, — деп хабарлайды «Zhambylnews» АА ҚР ІІМ ресми өкілі Алмас Сәдубаевқа сілтеме жасап.
Бизнесменді ұрлады деген күдік Алматының үш тұрғынына келіп отыр екен.
«17 сәуірде түнгі уақытта Алматы — Тараз тасжолында фигуранттар жеке көлігімен көлікті тоқтатып, полиция қызметкері ретінде танысып, жолаушыны ұрлап әкеткен», — деп хабарлады Сәдубаев.
Операция жүргізу барысында көрші елдің құтқарылған азаматы зардап шекпепті. Ұсталғандар тергеу изоляторына қамалды.
