Ақтауда 37 жыл бұрын жерленген марқұмның орнына жақында қайтыс болған адамды көмген
Ақтау қаласының тұрғыны 37 жыл бұрын жерленген өгей әкесінің қабірінің орнына жаңа жерленген мәйітті көрген. 17 сәуірде Радоницадағы зиратқа келген әйел жақын адамының қабіріне мүлдем басқа адамның жерленгенін көріп шошыған. Бұл туралы Stan.kz хабарлайды.
«Біз жыл сайын осында келіп, өгей әкемізді еске аламыз. Бірақ бұл жолы оның қабірі жоқ, өгей әкем жерленген жерге басқа біреудің мәйітін жерлеген. Марқұм үш ай бұрын жерленген екен. Мен таңданып, әлі күнге дейін өзіме келе алмай отырмын. Түсінбейтінім, неге біреу жерленген жерге басқа адамды көмуге рұқсат берген? Оның үстіне бұл мүрде қараусыз емес, онда ескерткіш, тас мүсіні, тіпті үстел мен орындық, сондай-ақ биік қоршаулар орнатылған», – дейді Неля Филонова.
Сөйтсе жалғыз Неля Филонова ғана осындай жағдайға тап болмаған екен. Зират әкімшілігінің арыз кітабында осыған қатысты бірнеше шағым тіркелген.
2017 жылы әкімдік бос орындардың болмауына байланысты осы зиратқа жерлеуге тыйым салған. Мұнда бұған дейін жерленген марқұмдардың туыстарын ғана жерлеуге болады.
Ал зиярат етуге келген Неля Филимонова Ақтау қаласының прокуратурасына өгей әкесінің сүйек қалдықтарын және оның орнын зиратқа қайтаруды талап етіп, сол жерде жерленген әйелді басқа жерге көмуді талап етті.
