Жамбыл облысында өтетін әскери шеруде жойғыш ұшақтар көкке көтеріледі

Жамбыл облысында жауынгерлік парадқа қызу дайындық жүріп жатыр, — деп хабарлайды «Zhambylnews» АА 24.kz ресми сайтына сілтеме жасап.

«Отар» әскери полигоны аумағында өтетін шеру бұған дейінгілерінен едәуір ерекшеленбек. Мәселен, оған қатысатын барлау бөлімдері тактикалық іс-қимылын заманауи әскери техника және авиацияны қолдану арқылы көрсетеді.

Сондай-ақ, аумақтық қорғаныс бригадаларына алғаш рет жауынгерлік ту табысталады.

Ал Қарулы күштерге қарасты арнайы бөлім сарбаздары жан-жақты шеберліктерін көрсетіп, әскери-көліктік авиацияның су жаңа С-295 ұшақтары және Су-30 көп мақсатты жойғыштары көкке көтеріледі. Жалпы шеру барысында көрермендер Қазақстан әскерінің қауқары мен техникалық әлеуетін тамашалай алады.