Жергілікті билік қала күніне орай жаңатастықтар үшін тегін Wi-Fi орнатып берді, — деп хабарлайды «Zhambylnews» АА Сарысу ауданы әкімінің баспасөз қызметіне сілтеме жасап.
Аудан әкімдігінің есебінен бөлінген қаржыға орнатылған тегін желімен аудан тұрғындары орталық алаң мен саябақта пайдалана алады.
Салтанатты іс-шарада аудан әкімі Балабек Нарбаев Жаңатас тұрғындарын қала күнімен құттықтап, шаһар шырайы одан әрі көркейе түсетінін жеткізді.
Осынау мерейлі күнге орай, «Еңбек ерлері» аллеясы мен орталық алаң аумағында қала тұрғындары үшін тегін ашық Wi-Fi қосылды. Мереке эстрада өнерпаздарының концертінемен жалғасып, отшашуға ұласты.
