WhatsApp мессенджерінде топтық аудио және видео қоңыраулар 30 шілдеден бастап қол жетімді болды. Бұл хабаршыны пайдаланушылар енді бір мезетте бірнеше адамды қоңырауға қоса алады. Бұл туралы «ZhambylNews» AA Stan.kz ақпараттық агенттігіне сілтеме жасап хабарлайды.
Топтық қоңырауда бір мезетте төрт адам сөйлесе алады. Мұны жасау үшін алдымен керекті адамға қоңырау шалып, одан кейін экранның жоғарғы оң жақ бұрышындағы батырманы басып, сөйлесуге басқа пайдаланушыларды қосу керек.
Жаңа функцияны iOS және Android бағдарламасында соңғы жаңартудан өткен барлық телефондарда қолдануға болады. Сондай-ақ, топтық қоңыраулар қарапайым хабарламалар секілді шифрленеді.
Америкалықтар құрастырған хабаршының сарапшылары WhatsApp пайдаланушыларының күніне екі миллиардтан астам минут сөйлесетінін есептеді.
