Жамбыл облысының оқу орындарында 100-ге тарта әр түрлі мамандық алуға болады

Жамбыл облысының оқу орындарында 100-ге тарта әр түрлі мамандық алуға болады.  Бұл туралы «ZhambylNews» AA хабарлайды.

Облыста жоғарғы оқу орындарында 1183 оқытушы жұмыспен қамтылған. Олардың ішінде магистр академиялық дәрежесі бар 530 адам, ғылым кандидаты 407, ғылым докторы 67, философия докторы (PhD) 45. Ал кәсіптік және техникалық білім беру ұйымдарында 2056 оқытушылар, оның ішінде жоғары білімі бар 1861, жоғары санаты барлар 503 оқытушы жұмыс істейді.

Айта кетер болсақ, 2017-2018 оқу жылының басына өңірде 3 дербес жоғары оқу орны жұмыс істейді, ондағы студенттердің саны 20,8 мың оқушыны құрады. Облыстың барлық аудандарында жұмыс істейтін 49 дербес колледждерде 26,9 мың оқушы оқуға қамтылған.