Жамбыл облысының 80 жылдығына орай Жуалы ауданында – «Көктөбе» тұрғын алқабы ашылды , деп хабарлайды «ZhambylNews» Ақпараттық Агенттігі.
Аталмыш алқаптың сметалық құны 612,0 млн. теңгені құрап, 170 жер теліміне шақталған. Мердігер компания «Талас-Құрылыс» ЖШС аумағы 30 гектарды алып жатқан алқапта жалпы ұзындығы 5,9 шақырымдық көше-жол желісін салып, 4,2 шақырым газ құбырын, 7,1 шақырым ауыз су құбыры, 6,1 шақырым электр желілерін жүргізіп берген.
Инфрақұрылымы толық жасақталған алқапта сәулеті келіскен жаңа баспаналар бой көтеретін болады.
